Байкі, гумар, сатыра/Байкі/Конь і сабака

З пляцоўкі Вікікрыніцы
Перайсці да навігацыі Перайсці да пошуку
Воўк на псарні Конь і сабака
Байка
Аўтар: Іван Крылоў
1928 год
Арыгінальная назва: Собака и Лошадь
Пераклад: Баляслаў Друцкі-Падбярэскі
Рада па упартых
Іншыя публікацыі гэтага твора: Конь і сабака (Крылоў).

Спампаваць тэкст у фармаце EPUB Спампаваць тэкст у фармаце RTF Спампаваць тэкст у фармаце PDF Прапануем да спампаваньня!




Конь і сабака.

Раз неяк, служачы ў гаспадара аднога,
З сабакай конь спрачацца крэпка сталі,
„Ня сталася-б, дальбог, нічога,
Каб і з двара цябе прагналі“.
Сабака кажа: „вось вялікая тут штука —
Вазіць або гараць!
А ў гэтым — ўся твая навука,
Пра здольнасьць іншую дагэтуль ня чуваць.
Ці-ж можаш ты са мной раўняцца?
Павінен днём за стадам я ганяцца,
Ўначы — дабытак ўвесь абараняю
І гэтак ні мінуты спакою я ня знаю“.
— Шмат праўды, трэ' прызнацца“,—
Конь кажа, — „ў тым што кажаш ты
Аднак, ня трэба забывацца,
Што хоць я й мала варты:
Каб ня было каму гараць-вазіць,
Дык ці было-б табе што й бараніць?“


Заслуг ніякіх за другімі
Не прызнаём мы і ня бачым,
А параўняўшы са сваімі
Даём суд — як аб каню сабачы.