Ах, і дай, Божа, нам кыляд даждаць
Выгляд
Ах, і дай, Божа, нам кыляд даждаць Народная песня Крыніца: Хрэстаматыя [Ноты] : па беларускай народнай музычнай творчасці : для ўстаноў адукацыі сферы культуры : [для спеваў (сола, хор) без суправаджэння / аўтар–укладальнік Зыкава Л. В.] ; Міністэрства культуры Рэспублікі Беларусь, Дзяржаўная ўстанова адукацыі "Інстытут культуры Беларусі" ; [прадмова ад укладальніка]. — Мінск : Інстытут культуры Беларусі, 2012. — 208 с. |
Беларуская калядка, запісаная Максімам Гарэцкім у 1926 г. у в. Багацькаўка Мсціслаўскага раёна Магілёўскай вобласці // Зімовыя песні (серыя «Беларуская народная творчасць» АН БССР). Мінск, 1975. № 99. Калядная. |
Ах, і дай, Божа, нам кыляд даждаць.
Лёлі, лёлі, нам кыляд даждаць.
Нам кыляд даждаць, святак—вечароў.
Лёлі, лёлі, святак—вечароў.
А пашоў бы я ды(й) на грыйшчыка.
Лёлі, лёлі, ды(й) на грыйшчыка.
Паскакаў бы я з тою дзеўкаю.
Лёлі, лёлі, з тою дзеўкаю.
З тою дзеўкаю, чарнаброўкаю.
Лёлі, лёлі, чарнаброўкаю.
Ах, і стану я ды паслухаю.
Лёлі, лёлі, ды паслухаю.
Ці стучыць зямля, ці гручыць зямля?
Лёлі, лёлі, ці гручыць зямля.
Ці вязуць нашу свет—кастромачку?
Лёлі, лёлі, свет—кастромачку.
Свет—кастромачку, чарнабровачку.
Лёлі, лёлі, чарнабровачку.