У зачарованым царстве

У зачарованым царстве Верш Аўтар: Максім Багдановіч

Крыніца: http://maksimbogdanovich.ru/stories/102.htm

Прапануем да спампаваньня!

                            O voi, ch’avete gl’intelletti sani
                            Mirate la dottrina, che s’asconde
                            Sotto’l velame degli versi strain.
                            Dante. Inf. ІХ*
                            (* О вы, разумныя, зірніце самі,
                            І кожны настаўленне зразумее,
                            Схаванае за дзіўнымі радкамі.
                            Дантэ. Пекла. ІХ)

Чуеш гул? — Гэта сумны, маркотны лясун
Пачынае няголасна граць:
Пад рукамі яго, навяваючы сум,
Быццам тысячы крэпка нацягнутых струн,
Тонкаствольныя сосны звіняць.
 
І ці трэба казаць, чаму сціхла рака,
Зашамрэлі мацней каласы
І аб чым шэпча ім галасок вецярка,
Што зіяе-дрыжыць на лісцёх лазняка:
Кроплі слёз ці халоднай расы?